Son.az AZƏRTAC-a istinadən bildirir ki, BMT-nin Biomüxtəliflik və Ekosistem Xidmətləri üzrə Dövlətlərarası Platformasının (IPBES) hazırladığı hesabatda kənd təsərrüfatı, meşələrin qırılması, mədən sənayesi, intensiv balıqçılıq və ovçuluğun növ müxtəlifliyinə böyük zərbə vurduğu qeyd edilib. Hesabatda göstərilir ki, ətraf mühitin çirklənməsi və iqlim dəyişikliyinin də növlərin məhvində böyük payı var.

Ekspertlərin rəyinə görə, hazırda canlıların "kütləvi qırğını" baş verir. Canlıların kütləvi məhvi son 500 milyon ildə artıq beş dəfə baş verib. Budəfəki fəlakətdə isə insan əlinin izləri ön planda dayanır.