Bakı. Xeyrəddin Nəsirzadə - Sumqayıt Texnologiyalar Parkı (STP) Qazaxıstana geniş həcmdə böyük tutumlu güc kabellərini ixrac etməyə başlayıb. Bu barədə Trend-ə STP-dən bildiriblər. Məlumata əsasən, artıq 6 yük maşını yola düşüb. Həmçinin bağlanmış müqaviləyə əsasən, Qazaxıstana 77 yük maşını həcmində və 5 milyon dollar dəyərində məsaməli və digər növ kabellər göndəriləcək.