Söhbət coğrafiya fənnindən gedir. Xüsusilə də ali məktəblərə qəbul imtahanlarında bu fənnin yalnız II qrupda saxlanılması şagird və abituriyentlərin coğrafiya fənninə maraqlarını azaldır.

Son.az xezerxeber.az-a istinadən bildirir ki, Milli Elmlər Akademiyasının Coğrafiya İnstitutunun "Azərbaycanın iqtisadi və siyasi coğrafiyası" şöbəsinin müdiri Nəriman Paşayev də mövcud durumdan narahatdır. O deyir ki, bu tendensiya şagirdlərin coğrafi biliklərinin zəifləməsinə səbəb olur. Nəriman Paşayevin fikrincə, bu fənn hər bir uşağın dünyagörüşünün formalaşmasında böyük əhəmiyyətə malikdir. Ona görə də coğrafiya fənni də tarix, riyaziyyat və digər fənnlər kimi öyrənilməlidir.