12 partiya maliyyə hesabatını təqdim etməyib - Onlarla bağlı Ədliyyə Nazirliyinə məlumat veriləcək
Digərləri 09 Apr 2019 17:06:00 268 0
Azərbaycanda 12 siyasi partiya 2018-ci il üzrə maliyyə hesabatını Mərkəzi Seçki Komissiyasına (MSK) təqdim etməyib.
Bakı. Elçin Mehdiyev -
Azərbaycanda 12 siyasi partiya 2018-ci il üzrə maliyyə hesabatını Mərkəzi Seçki Komissiyasına (MSK) təqdim etməyib.
Trend-in məlumatına görə, bunu MSK katibi Mikayıl Rəhimov komissiyanın bu gün keçirilən iclasında deyib.
M.Rəhimovun sözlərinə görə, hesabat təqdim etməyən siyasi partiyaların 6-nın sədri dünyasını dəyişib. O qeyd edib ki, həmin partiyalardan ikisinin partiya üzvləri hesabatı təqdim etsələr də, sədrin imzası olmadığından qəbul edilməyib: "Digər siyasi partiyalarla isə əlaqə saxlamaq mümkün olmayıb”.
MSK katibi əlavə edib ki, bu həftənin sonuna qədər proses yekunlaşacaq və bu barədə Ədliyyə Nazirliyinə məlumat veriləcək.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az