Xilas naminə yalan: Anasına itkin qardaşının əvəzindən
Digərləri 28 Mar 2019 22:07:00 241 0
O, xəstə anasının yaşaması üçün onu müharibədə itkin düşən qardaşının sağ olmasına inandırıb. Düz 25 il itkin əsgərin adından anasına məktublar yazıb. Əməlinin doğru olmasına bəzən özü də şübhə edib. Amma anasını son nəfəsinə qədər əsgər oğlunun qayıdacağı ümidi ilə yaşadıb. Söhbət Gəncə şəhər sakini Ellada İbrahimovadan gedir.
Son.az xezerxeber.az-a istinadən bildirir ki, 1993-cü ilin oktyabrında hərbi xidmətə yollanan 18 yaşlı Azər Ələkbərov cəmi 4 ay sonra hərbi əməliyyatlar zamanı itkin düşür. Bu xəbərin anası Cəmilə Hüseynovaya çox pis təsir edəcəyini başa düşən Ellada İbrahimova əsgər qardaşının adından anasına məktub yazmaq qərarına gəlir. Amma əvvəlcə özünü bu işə hazırlayır.
Ellada İbrahimova anasının şübhələrini öldürmək üçün həm məktubların evə çatması, həm də oxunması zamanı mümkün olan hər şeyi edir. Müharibədən sonrakı dövrdə oğlunun yenə qayıtmaması ananın şübhələrini artırır. Bu dəfə isə bacı başqa yola əl atır.
Bir neçə dəfə davranışının doğru olub-olmadığı ilə bağlı şübhəyə düşən bacı anasına əsl həqiqəti demək istəyib. Ancaq sona anda bundan çəkinib.