Son.az xəbər verir ki, bu sözləri Axşam.az-a açıqlamasında müğənni Aygün Mahmudova deyib. Bu günlərdə Hollandiyada konsert verən sənətçi planlarından bəhs edib: "Hədəfim dünyada tanınmaqdır. Amsterdam da, Amerikada konsertlərim olacaq. Menecerimlə birlikdə dünyanın dörd bir yanında konsertlər verməyə hazırlaşırıq. Zeynəb Xanlarova necə bütün dünyada konsert verib, tanınır. Mən də onun kimi etməyi arzulayıram. Hamı elə bilir ki, Türkiyəyə köçmüşəm. Yox, Bakıdayam, işlərimi görürəm. Kənan tez-tez gedib-gəlməli olur, yollarda qalıb. Ona görə düşünürdüm ki, köçək ora. Amma hələ ki, Bakıdayıq".