Bakı. Hindistan Mülki Aviasiya İdarəsi "Boeing 737 Max" təyyarələrinin istismarına tələbləri sərtləşdirib. Trend-in məlumatına görə, qərar Efiopiyada bu tip təyyarənin qəzaya uğramasından sonra qəbul edilib. Aviasiya tənzimləyicisinin qərarına əsasən, "Boeing 737 Max" təyyarələrini yalnız bu avialaynerlərdə ən azı min saat uçuş həyata keçirən pilotlar idarə edə bilərlər. İkinci pilot isə ən azı 500 saat uçuş icra etməlidir. Bundan başqa, təyyarənin istismarından əvvəl müəyyən sistemlərin əlavə yoxlanışı aparılacaq.