Bakı. Azərbaycan Memarlıq və İnşaat Universitetinin (AzMİU) nümayəndələri Böyük Britaniyada elmi məzuniyyətdə olublar. AzMİU-dan Trend-ə verilən məlumata görə, nümayəndə heyəti 11-16 fevral tarixlərində Londonda Bakı Biznes Universitetinin koordinator-rəhbəri olduğu və Avropa Komissiyası tərəfindən maliyyələşdirilmiş “Azərbaycan universitetlərində Keyfiyyət Təminatı Mərkəzlərinin yaradılması və inkişaf etdirilməsi” EQAC adlı Erasmus+ layihəsinin növbəti təlimlərində iştirak ediblər.