Rayon mərkəzindən 35 kilometr məsafədə, Zeyvə kəndi yaxınlığındakı kiçik göl yayda, həm də qış aylarında əsrarəngiz gözəlliyi ilə təbiətsevərləri özünə cəlb edir. Yay aylarında gölün suyu təmiz və şəffaf olur.

Diametri təxminən 150 metr olan gölün ətrafı sıx meşələrlə örtülüdür. Dəniz səviyyəsindən 927 metr yüksəklikdə yerləşən Əmbil gölünün qış aylarında donması bu təbiət incisinə əlavə gözəllik qatır.