63 yaşlı qadın Paşinyanın iqamətgahındakı medalları oğurladı
Dünya 03 Fev 2019 11:09:00 196 0
Ermənistanın baş nazirinin iqamətgahının əməkdaşı xatirə medallarını oğurladığını etiraf edib.
Son.az bildirir ki, "Report" "İzvestiya.ru"ya istinadən xəbər verir ki, bu barədə ölkənin İstintaq Komitəsinin nümayəndəsi Naira Arutyunyan bildirib.
Hüquq-mühafizə orqanlarının məlumatına görə, medallar yanvarın 30-da, binanın üçüncü mərtəbəsində istifadə olunmayan zalın stendindən yoxa çıxıb. Oğurluq faktı üzrə cinayət işi qaldırılıb. Müstəntiqlər təxminən 20 nəfəri dindiriblər.
Arutyunyan bildirib ki, Baqramyan 26 prospektində işləyən 1956-cı il təvəllüdlü qadın Yerevanın Arabkir rayonunun İstintaq Bölməsinə etiraf edib ki, yanvarın 30-da xatirə medallarını o oğurlayıb.
Mənbə: milli.az