Müqəddəs şəxlərin şəkilləri kimi təqdim edilən rəsmlərin həqiqi olduğuna heç kim zəmanət verə bilməz. Çünki əvvəla, o zamanlar onların rəsmini naturadan çəkən olmayıb. Ərəbistanda o dövrün rəssamlıq texnikasının vəziyyəti dəqiq təsvir çəkməyə imkan verməzdi. İkincisi, canlı insan təsviri çəkmək dinimizdə xoş qarşılanmır və müqəddəslərimiz özləri icazə verməzdilər ki, kimsə onların rəsmini çəksin.

Son.az islam.az-a istinadən bildirir ki, üçüncüsü, müqəddəslər zahiri baxımdan o qədər gözəl idilər ki, onları təsvir etmək heç bir rəssama nəsib deyil. Bu gün müqəddəslərin şəkli kimi təqdim edilən rəsmlər ayrı-ayrı rəssamların təxəyyülünün məhsuludur. Onlar özləri təsəvvür etdikləri formada bu əsərləri yaradıblar. Bəzi şəkillərin tarixinin qədim olduğu və naturadan çəkildiyi barədə məlumatlar yayılsa da, bunlar həqiqəti əks etdirmir və yalandır.