Bakı. Samir Əli - Bu gün Bakı Ağır Cinayətlər Məhkəməsində iki nəfərin ölümünə səbəb olan yol qəzasında təqsirləndirilən sürücü Fəxrəddin Bəşirovun cinayət işi üzrə məhkəmə prosesi başlayıb. Trend-in məlumatına görə, hakim Novruz Kərimovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmədə mərhumların yaxınları təqsirləndirilən şəxsə etiraz ediblər: "Təqsirləndirilən şəxs hadisə yerindən qaçıb. Əgər o uşaqları vaxtında xəstəxanaya çatdırsaydı, həyatlarını xilas etmək mümkün olardı". Məhkəmə nəzarətçiləri həmin şəxsləri sakitləşdiriblər.