Güclü külək nəticəsində xəsarət alan vəzifəli şəxs öldü FOTO
Dünya 05 Yan 2019 16:23:00 424 0
Gürcüstanın Acarıstan Muxtar Respublikasının paytaxtı Batumi şəhərində ötən gün güclü küləyin binalardan birinin dam örtüyünü uçurması nəticəsində xəsarət alan şəxslərdən biri ölüb.
Son.az report-a istinadən bildirir ki, 53 yaşlı kişinin qapalı kəllə-beyin travması, döş qəfəsi nahiyəsindəki daxili orqanlarında çoxsaylı zədələri olub.
Həmin şəxs Batumi Meriyasının Xidmətlər İdarəsinin rəhbəri olub və xidməti vəzifəsini yerinə yetirərkən ciddi xəsarət alıb.
Xəsarət alan digər şəxs - 60 yaşlı kişi əməliyyat olunandan sonra Batumi Şəhər Xəstəxanasının Reanimasiya şöbəsinə yerləşdirilib. Həkimlər onun vəziyyətini sabit ağır qiymətləndirirlər.
Mənbə: milli.az