Şaxta babanın Bakı metrosunda sərgüzəştləri davam edir FOTO
Digərləri 30 Dek 2018 19:44:00 485 0
Yenə "Nərimanov" elektrik deposundan nostalji ovqatlı retro vaqonla Bakı metropoliteni sərnişinlərinin görüşünə gələn yeni ilin qəhrəmanları Şaxta baba və Qar qız özünəməxsus tərzdə stansiyalara səyahətini davam etdirib. Son.az bildirir ki, hər stansiyada sərnişinlərə təbriklərini çatdıran Şaxta baba azyaşlı uşaqlara növbəti hədiyyə sovqatını paylamağı, onlarla şəkil çəkdirməyi də unutmayıb.
Qeyd edək ki, bu dəfə Şaxta baba və Qar qızın əsas nəqliyyat vasitəsi 1950-51-ci illərin istehsalı olan "Q" tipli vaqon olub. Dövrünün əsas texniki əlamətləri bərpa edilmiş vaqonda şən, nəğməli və sözlü-söhbətli qəhrəmanlarımız qatarla "İçərişəhər" stansiyasına gəliblər. Burada da Şaxta baba və Qar qız sərnişinlərin Dünya Azərbaycanlılarının Həmrəyliyi Günü və qarşıdan gələn Yeni il bayramı münasibəti ilə təbrik edib, macəralar ardınca növbəti stansiyalara yollanıblar.
Xəbərə aid fotolar
Mənbə: milli.az