Son.az Sputnik Azərbaycan-a istinadən xəbər verir ki, bu barədə Türkiyənin Sənaye və Texnologiya Nazirliyi məlumat yayıb.

Məlumata əsasən, "MK-84" aviabombasının sınaqları HABRAS bazasında keçirilib. Sınaqları Türkiyənin sənaye və texnologiyalar naziri Mustafa Varank izləyib. Bir ton çəkisi olan aviabombanın sürəti səs sürətini 1,5 dəfə keçib. Bomba polad armaturla gücləndirilən və qalınlığı bir metr olan beton hədəfi yarıb.

Sınaqları "Twitter"-də şərh edən Varank onları tarixi adlandırıb və bunu Türkiyə müdafiə sənayesinin daha bir uğuru kimi dəyərləndirib.