Bakı. İlhamə İsabalayeva - Azərbaycanda icbari təhsili, yəni 9-cu sinfi bitirən şagirdlər peşə təhsilinə cəlb ediləcək. Trend-in məlumatına görə, bunu təhsil naziri Ceyhun Bayramov Azərbaycanda insan kapitalı üzrə forumda çıxışı zamanı bildirib. Onun sözlərinə görə, hazırda işçi ehtiyatlarının əmək bacarıqları aşağıdır: "Bu, ölkə iqtisadiyyatı üçün problemlər yaradır. Məhz buna görə ölkədə hazırda müasir texniki peşə təhsilinin qurulmasına bu qədər önəm verilir. Son bir necə ildə peşə təhsili alanların sayı əhəmiyyətli dərəcədə artıb".