Türkiyənin Nevşehir şəhərində kişi ondan boşanmaq istəyən həyat yoldaşını güllələyəndən sonra intihar edib.

Son.az xəbər verir ki, 40 yaşlı İbrahim Ulu 34 yaşlı həyat yoldaşı Seda Ulunu tapança ilə güllələyib. O daha sonra silahı başına dirəyərək atəş açıb.

Silah səsini eşidən qonşular polisə xəbər verib. Pəncərədən evə daxil olan polis əməkdaşları İbrahim Ulunun öldüyünü, 34 yaşlı qadının isə ağır vəziyyətdə olduğunu müəyyənləşdirib. Qadın dərhal xəstəxanaya çatdırılıb.