Nazir müavini: Azərbaycanın QDİƏT-ə sədrliyi müddətində təşkilat daxilində əlaqə möhkəmləndirilib
Digərləri 14 Dek 2018 13:54:52 215 0
Azərbaycanın Qara Dəniz İqtisadi Əməkdaşlıq Təşkilatına (QDİƏT) sədrliyi müddətində təşkilat daxilində əlaqə möhkəmləndirilib
Bakı. Ləman Zeynalova -
Azərbaycanın Qara Dəniz İqtisadi Əməkdaşlıq Təşkilatına (QDİƏT) sədrliyi müddətində təşkilat daxilində əlaqə möhkəmləndirilib.
Trend-in məlumatına görə, bunu QDİƏT Xarici işlər nazirləri Şurasının 39-cu iclası ilə bağlı mətbuat konfransında Azərbaycanın xarici işlər nazirinin müavini Mahmud Məmməd-Quliyev deyib.
O bildirib ki, Azərbaycanın QDİƏT-də sədrliyi bu il iyulun 1-də başlayıb və dekabrın 31-i başa çatacaq.
Nazir müavini əlavə edib ki, Azərbaycanın təşkilata sədrliyi müddətində səmərəli və etibarlı tranzit xidmətlərinin təmin olunması, kənd təsərrüfatı, turizm kimi sahələrin inkişafı məsələləri müzakirə olunub.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az