Müğənni Samira ƏliMəryəm efirlərdən uzaqlaşmasına aydınlıq gətirib.  Son.az axşam.az-a istinadən xəbər verir ki, sənətçi "Kim var, kim yox" verilişində bildirib ki, buna səbəb son vaxtlar bayağı mahnıların daha çox gündəmdə olmasıdır: "Elə yaş dövrü gəlib çatır ki, hiss edirsən sənlik deyil. Bizim tərbiyə aldığımız musiqi, dostluq başqa cür idi. İndi hər şey ucuzlaşdı, keyfiyyətsizlik baş aldı. Bunların içində olmaq istəmirəm. Eybi yox, ayda bir dəfə görünüm, amma istədiyim verilişdə. Ürəkbulandıran mövzuların içində olmayım, yetər".