Pörl-Harbora hücum zamanı sağ qalan ABŞ Silahlı Qüvvələrinin qocaman veteranı Rey Çaves 106 yaşında dünyasını dəyişib.

Son.az AZƏRTAC-a istinadən bildirir ki, II Dünya müharibəsi veteranının qızı Ketlin Çaves pnevmoniyadan əziyyət çəkən atasının San-Dieqo şəhərində yuxuda vəfat etdiyini bildirib.

ABŞ ordusunun veteranı may ayında Vaşinqtonda keçirilən müharibələrdə həlak olanların xatirə günündə iştirak edib və burada ABŞ Prezidenti Donald Tramp tərəfindən qəbul olunub.