Bakı. Futbol üzrə Niderland yığma komandası Fransa millisi üzərində qələbə qazanıb. Trend-in məlumatına görə, oyun UEFA Millətlər Liqasının 5-ci turu çərçivəsində, Rotterdamda “De Kuip” (“Feyenoord”) stadionunda keçirilib. Oyunda hesabı 44-cü dəqiqədə Corcinyo Veynaldum açıb. Oyunun ikinci hissəsinə əlavə edilən vaxtda hakim Fransanın qapısına penalti təyin edib. Cərimə zərbəsini Memfis Depay dəqiq yerinə yetirib.