Son.az ölkə.az-a istinadən xəbər verir ki, sözügedən asteroid bazar günü Yerin yanından keçəcək.

Açıqlamaya əsasən, asteroid planetimizin 38 milyon km yaxınlığından keçəcək. Asteroidin sahəsi 300 metrdir. Alimlər yaxınlaşmanın qorxulu olmadığını bildiriblər. Qara rəngli, işığı udan və ölü quyruqlu ulduz olduğu düşünülən asteroidin kəllə sümüyünə oxşaması elm dünyasının diqqətini cəlb edib. Əsl adı "2015 TB145" olan asteroid daha əvvəl də planetimizə yaxınlaşmışdı. Məlumatlara əsasən, sözügedən asteroid bir də 2082-ci ildə planetimizin yanından keçəcək.

Dünyaya yaxınlaşan və yanından keçən asteroidlərin sayı 1000-ə çatıb. NASA 17 min böyük asteroidin müəyyən edilmədiyini yazıb.