Bundan başqa qovrulmuş şabalıdı xoşlamayan demək olar ki, yoxdur.

Son.az ölke.az-a istinadən xəbər verir ki, şabalıdın tərkibində karbonhidrat miqdarı yüksək olduğu üçün 3 ədəd şabalıd bir dilim çörəyə bərabərdir.

Şabalıdın tərkibində dəmir, kalium, maqnezium, sink, A, E və C vitaminləri var.

Kalium və maqneziumla zəngin olduğundan şabalıd ürək-damar sistemi üçün çox faydalıdır - qan təzyiqini stabilləşdirir, ürək və damarları  xəstəliklərdən qoruyur.

100 qram şabalıdın tərkibində 160-180 kalori və 40 qram karbonhidrat var. Şabalıd bu xüsusiyyətlərinə görə insana toxluq hissi verir.

Şabalıdın tərkibindəki A vitamini infeksiyalara qarşı orqanizmi qoruyur. C və E vitaminləri isə immuniteti gücləndirir. Qripə qarşı orqanizmi qoruyur, hüceyrələrin yaşlanmasının qarşısını alır.

Rus alimləri bildirirlər ki, şabalıd bir sıra xroniki xəstəliklərin müalicəsində faydalıdır. Belə ki, şabalıd suyu kapilyarların elastikliyini bərpa edir və varikoz genişlənməsinin qarşısını alır.