Rusiyada şəkərin qiyməti kəskin yüksəlib
Digərləri 28 Okt 2018 21:25:00 456 0
Şəkərin topdan satış qiymətinin kəskin artması bu ilin sentyabrından başlayıb. Belə ki, oktyabrda ölkənin Cənub federal dairəsində topdan satış qiyməti ötən ilin anoloji dövrü ilə müqayisədə 50% bahalaşıb, 1 kq 35,9 rubl təşkil etmişdi. Bütünlükdə yanvar ayı ərzində qiymətlər demək olar ki, 44% artıb.
Son.az facemark.az-a istinadən bildirir ki, bu barədə ölkənin Kənd Təsərrüfatı Nazirliyinə istinadən RBK yazıb. Nazirlik qeyd edib ki, məhsulun istehlak qiyməti 2018-ci ilin oktyabrın 15-ə görə, 1 kq - 42,70 rubla çatıb. Bir həftə ərzində artım 1,2% (bu ilin başlanğıcına görə +17,6% , 2017-ci ilin anoloji dövrünə görə isə 5,4%-lik artım deməkdir) təşkil edib. Mərkəzi Rusiyada şəkərin orta topdan satış dəyəri hal-hazırda 35 rubl təşkil edir.
"Şəkərin topdan satış qiymətinin artmasının əsas səbəblərindən biri şəkər çuğundurunun aşağı məhsuldarlığı olub", - deyə aqrar bazar üzrə ekspert Yevgeni İvanov deyib. 2018-ci ildə şəkər çuğunduru əkin sahəsi əvvəlki ilə nisbətən 6% az olub. Bu məhsul üçün 1,13 milyon hektar əkilmişdir. Nəticədə 2018-2019-cu illərdə Rusiyanın şəkər istehsalı 5,8 milyon ton olacaq ki, bu da ötən illə müqayisədə və proqnozlaşdırılan 6-6,1 milyon tonun altında olub. Riteylər, həmçinin qeyd edir ki, şəkərin dəyəri yalnız topdan satış təchizatçılarında deyil, mağazalarda da artır.