Azərbaycan əhalisi 9 ayda 40 milyard manata yaxın gəlir əldə edib
Digərləri 22 Okt 2018 14:01:00 270 0
2018-ci ilin doqquz ayında Azərbaycan əhalisinin nominal gəlirləri əvvəlki ilin eyni dövrünə nisbətən 9,5 faiz artaraq 39 milyard 690,3 milyon manata çatıb.
Son.az Trend-ə istinadən xəbər verir ki, əhalinin hər nəfərinə düşən gəlirlər orta hesabla 4046,7 manat təşkil edib və 8,5 faiz artıb.
Bu dövr ərzində gəlirlərin 83,4 faizi son istehlak xərclərinə, 8,1 faizi vergilər, sosial sığorta və üzvlük haqlarının, 1,1 faizi kreditlər üzrə faizlərin ödənilməsinə sərf edilib, 7,4 faizi isə yığıma yönəldilib.
Mənbə: milli.az