Soyuqdəymə xəstəliklərindən sonra uşaqlarda uzun müddət ərzində öskürək qala bilər.

Böyüklərlə müqayisədə uşaqlarda nəfəs yollarının təmizlənməsi üçün daha çox vaxt tələb olunur ki, bu səbəbdən uşaqlarda öskürək də daha çox çəkir. Bildiyimiz kimi, öskürək orqanizmin müdafiə mexanizmlərindən biri olub nəfəs yollarının selik və bəlğəmdən təmizlənməsini təmin edir.   

Son.az saglamolun.az-a istinadən bildirir ki, bu prosesi sürətləndirmək və uşağı üzücü öskürəkdən azad etmək üçün çox ucuz və əlçatan vasitədən istifadə edə bilərsiniz. Apteklərdə satılan kalsium xlorid preparatı həm böyük, həm uşaqlarda öskürəklə müşayiət olunan bir çox xəstəliklərin müalicəsində istifadə olunur. Bu xəstəliklər arasında: kəskin respirator xəstəlikləri, bronxit, ağciyər iltihabı, ağciyərdə durğunluq prosesləri, allergiyalar.

Uşaqlara kalsium xlorid məhlulu adətən peroral vasitə kimi təyin olunur. Kalsium xlorid bronxların fəaliyyətini stimullaşdırır, bəlğəmi durulaşdırır və onun nəfəs yollarından çıxmasını asanlaşdırır, sərbəst radikallar, toksinlər və allergenləri neytrallaşdırır, virus və bakteriya agentlərinə qarşı immun sisteminin aktivliyini artırır.