Yohannes Han: "Şərq tərəfdaşlığı" ölkələrinin növbəti sammiti 2020-ci ildə keçirilə bilər
Digərləri 16 Okt 2018 10:08:43 262 0
"Şərq tərəfdaşlığı" ölkələrinin növbəti sammiti 2020-ci ildə keçirilə bilər.
Bakı.
Avropa İttifaqının (Aİ) və "Şərq tərəfdaşlığı" proqramı ölkələrinin (Azərbaycan, Belarus, Ermənistan, Gürcüstan, Moldova və Ukrayna) növbəti sammiti 2020-ci ildə keçirilə bilər.
Trend-in məlumatına görə, bunu Avropa İttifaqının qonşuluq siyasəti və genişlənmə məsələləri üzrə komissarı Yohannes Han Lüksemburqda Aİ-nin 6 ölkənin xarici işlər nazirləri ilə görüşünü şərh edərkən deyib.
Y.Han qeyd edib ki, sammit böyük ehtimalla 2020-ci ildə keçiriləcək: "Lakin biz bu məsələni hələ müzakirə edəcəyik".
Ai diplomatiyasının rəhbəri Federika Mogerini isə bildirib ki, gələn il Aİ və "Şərq tərəfdaşlığı" ölkələri Brüsseldə proqramın 10 illiyini qeyd edəcəklər:
"Bu, sadiqliyimizi təsdiq etmək və 2019-cu ildə 10 illiyə hazırlaşmaq, həmçinin “2020-ci il üçün 20 gözlənilən nəticə” sənədinin reallaşdırılmasına yekun vurmaq üçün yaxşı imkandır".
Trend-in ən mühüm və maraqlı xəbərlərini "Telegram"da izləyin
Mənbə: az.trend.az