Bakı. Bilik Fondunun təşkilatçılığı ilə "İl boyu bilik" proqramı çərçivəsində Şirvan şəhərində və Saatlı rayonunda əhaliyə psixoloji dəstək mövzularında maarifləndirici tədbirlər keçirilib. Fonddan Trend-ə verilən məlumata görə, "Ailənin psixoloji mühiti və ona təsir göstərən amillər" mövzusunda Şirvan Gənclər Evində keçirilən tədbiri Şəhər İcra Hakimiyyətinin İctimai-siyasi və humanitar məsələlər şöbəsinin müdir müavini Adəm Hüseynov açaraq, Bilik Fondu ilə birgə icra etdikləri layihələrdən söz açıb.