Softbank yüzlərlə ölkəni pulsuz elektrik enerjisi ilə təmin edəcək
Digərləri 11 Okt 2018 08:11:00 267 0
Yaponiyanın Softbank adlı mediakorporasiyası əmindir ki, onun günəş enerjisinə olan investisiyaları 25 ildən sonra öz bəhrəsini verəcək. Həmin müddətdən sonra texnologiyaların inkişafı ucuz elektrik stansiyaların inşasına imkan verəcək və beləliklə elektrik enerjisi demək olar ki, pulsuz şəkildə insanlara təqdim ediləcək. Müştərilər isə yalnız günəş panellərini təmizləyən robotlara görə ödəniş edəcəklər. Softbank pulsuz elektrik enerjisi ilə Beynəlxalq Günəş İttifaqı-nın (ISA) iştirakçı ölkələrini təmin edəcək.
Son.az technote.az-a istinadən bildirir ki, bu ittifaqa 120-dən çox ölkə daxildir. Sözügedən planı Softbank-ın CEO-su Masayoshİ Son elan edib. Ölkələr elektrik enerjisinin əldə olunması üçün yalnız ilk 25 il ərzində ödəniş etməli olacaqlar. 25 ildən sonra isə elektrik enerjisi tamamilə pulsuz təqdim olunacaq. 25 ildən sonra ödənişlər yalnız xidmət prosesi üçün olacaq. Son-un sözlərinə əsasən günəş panellərinin təmizlik işləri üçün robotlardan istifadə etmək olacaq. Softbank-ın CEO-nun fikrincə günəş elektrostansiyaları 25 ildən sonra öz bəhrəsini verəcək uğurlu investisiya sahəsidir.
Mənbə: milli.az