Son.az Daily Mail-ə istinadən bildirir ki, əsərin satıldığı elan olunan kimi tabloda hərəkət başlanıb. Əsər aşağı sürüşüb, doğranıb.

Tablonun çərçivəsində gizlədilmiş şreder uzaqdan idarə olunan qurğu vasitəsilə işə salınıb.

Əsəri doğrayan isə müəllifin özü olub.

"Girl With Balloon" əsərini 2002-ci ildə Benksi Londonun Şordiç səmtindəki nəşriyyatın fasadına çəkmişdi. Daha sonra o, əsəri hazır trafaretə rəng püskürməklə, aeroqrafiya vasitəsilə təkrar yaratmışdı.

Benksi əsərinin doğrandığı anların əks olunduğu videonu İnstagram profilində hərraclarda satış zamanı deyilən "Going, going, gone..." ("Satılır, satılır, satıldı...") sözləri ilə müşayiət edib.

O, daha sonra yeni video paylaşıb: "İllər əvvəl əsərin çərçivəsinə şreder yerləşdirdim. Demişdim axı - əsər satılsa doğranacaq. "Məhv etməyə meyl də yaradıcılıq istəyidir", - bunu Pablo Pikasso demişdi".