Cənubi Qafqazda ilk peyk operatoru olan "Azərkosmos" Açıq Səhmdar Cəmiyyəti ildən-ilə öz xidmətlərini daha da təkmilləşdirib, fəaliyyətə başladığı qısa dövr ərzində bu sahədə xeyli uğurlar əldə edib. Hökumət və korporativ müştərilərin tələblərinə cavab verən, eləcə də özəl sektordan olan müştərilərini birbaşa peyk yayımı, səs, video, məlumat, mobil rabitə xidmətləri ilə təmin edən "Azərkosmos" bu uğurlara yüksək ixtisaslı, peşəkar heyət və texniki imkanlarla nail olub. Bu gün "Azərkosmos"un işçi heyətinin hamısı yerli, böyük bir qismi isə gənc mütəxəssislərdən ibarətdir və onlar ildən-ilə öz ixtisaslarını daha da təkmilləşdirirlər.