Son.az Daily Mail-ə istinadən bildirir ki, Skotlənd-Yarddan verilən məlumata görə, Ənvər Fərhan Çoudhari "9-05" adlı mütəşəkkil cinayətkar dəstə yaradaraq iki il yarım ərzində qarətlə məşğul olub.

Britaniya tarixinin ən böyük bank fırıldaqçısına çevrilmiş Ənvər bu minvalla ələ keçirdiyi pulları Birləşmiş Ərəb Əmirlikləri və Pakistandakı 18 bankdakı 189 hesaba yatırıb.

Pollokşirddə yaşayan pakistanlı ailənin övladı 24 yaşına qədər "normal" həyat sürürdü. Daha sonra isə onun yaşamı qəflətən dəyişib.

Ənvər sosial şəbəkələrdəki profillərində lüks maşınlarının fotolarını, dəbdəbəli həyatını əks etdirən görüntüləri paylaşmağa başlayıb.

O, ailəsi üçün Qlazqonun ən bahalı səmtlərindən birində malikanə də alıb.

Daha sonra isə Ənvər onlarla bahalı maşın, o cümlədən Bentley, Range Rover, Rolls-Royce və Lamborghini alıb. Bir qədər də keçib, Qlazqo və Mazervelldə daha 4 malikanə alınıb.