Bakı. Rusiyada hipersəsli snayper güllələri yaxın illər ərzində istehsal oluna bilər. Trend-in məlumatına görə, bunu RİA Novosti-yə "Lobaev Arms" şirkətinin təsisçisi və baş konstruktoru Vladislav Lobayev deyib. O bu mövzunu diqqətlə öyrəndiklərini bildirib: "Düşünürəm ki, müəyyən dövlət dəstəyi ilə artıq təqribən bir il ərzində başlanğıc uçuş sürəti saniyədə 2 min metr olan snayper gülləsi yaratmaq mümkündür. Bu, artıq hipersəsli deməkdir".