Dəməşq: bombaların altında fəaliyyət göstərən bar
Digərləri 08 Sen 2018 19:26:00 284 0
Suriyada 2011-ci ildə vətəndaş müharibəsi başlayandan bəri turizm elə böyük bir zərbə alıb ki, Somar Hazim Dəməşqdəki otelini bağlamaq məcburiyyətində qalıb.
Milyonlarla suriyalı ölkəni tərk etdiyi bir vaxt Somar işini itirməsinə baxmayaraq Dəməşqdə qalmağa üstünlük verib. O, 3 il əvvəl Suriya hökumətinin nəzarətindəki şəhərin keçmiş məhəlləsində bir bar açıb.
Bu ay Dəməşq dünyada ən az yaşanılacaq şəhər seçilsə də, Somar şəhərdə gecə həyatının canlandığını deyir.
Somarın Cosette adlı barı hər axşam saat 7-də açılır və son müştəri gedənə qədər açıq qalır
Mərmilər altında içki
Somar 2015-ci ildə barını açan vaxt, 4 ildir davam edən vətəndaş müharibəsi səbəbiylə iş qurmağın nə qədər çətin olduğunu bilirdi.
"Müharibənin ortasında barı açanın kim olduğunu görmək üçün insanlar bura gəlirdi", BBC-ə danışan Somar deyir.
Somarın dostlarının çoxu müharibə davam etdiyi bir vaxt bara sərmayə qoymağın axmaqlıq olduğunu deyirdilər.
Somar da bunun bir qumar olduğunu qəbul edir. Lakin bu, ona pul qazandıran bir qumardır: "Mərmilər altında bara gedib içki içə bilərsiniz. Bir çox insan üçün bu çox cəlbedicidir".
Cosette kokteylləri ilə məşhurdur
Yayın əvvəlində Rusiya qüvvələrinin köməyilə Suriya hökuməti müxalifətin nəzarətində olan son Dəməşq məhəllərini də ələ keçirib.