SOCAR və Rosneft SOCARın Türkiyədəki neft emalı zavoduna Rusiya neftinin təchiz olunması haqqında kontrakt imzalayıb
Digərləri 01 Sen 2018 17:11:00 322 0
Prezident İlham Əliyevin Rusiyaya rəsmi səfəri çərçivəsində "Rosneft" Neft Şirkəti Publik Səhmdar Cəmiyyətinin baş icraçı direktoru İqor Seçin və SOCAR-ın prezidenti Rövnəq Abdullayev Türkiyədəki "STAR" neft emalı zavoduna Rusiya neftinin təchiz olunması barədə kontrakt imzaladılar.
Son.az bildirir ki, SOCAR-dan Trend-ə verilən məlumata görə, sənəd 23 avqust 2018-ci il tarixində imzalanmış neft təchizatı haqqında Çərçivə Razılaşmasının şərtlərinə əsasən imzalanmışdır. Kontraktın şərtlərinə görə, 2018-ci ilin dekabr ayından etibarən 1 il ərzində zavodun 1 milyon ton neftlə təchiz olunması nəzərdə tutulur.
"Star" zavodunun Rusiya nefti ilə təchiz olunmasına dair imzalanmış bu kontrakt hər iki şirkətin əlverişli əməkdaşlığının genişlənməsinə dəlalət edir və SOCAR-ın Türkiyədəki yeni neftayırma obyektlərinin stabil yüklənməsi üçün təminat yaradacaq.
Mənbə: milli.az