Almaniyanın "Wings for Aid" şirkəti və Aerokosmik Mərkəzi (DLR) BMT mütəxəssisləri ilə birlikdə Yer kürəsinin ucqar yerlərinə ərzaq və dərmanların çatdırılması üçün eksperimental paraşüt qutusunun ilk sınaqlarını keçiriblər.   Son.az ICTnews-a istinadən bildirir ki, mütəxəssislərin sözlərinə görə, birdəfəlik olan qutunun istehsalı ucuz başa gəlir, onun çatdırılması isə xüsusi pilotsuz uçan aparat vasitəsilə həyata keçirilir.   Məlumata görə, dron qutunu düşürdükdən sonra onun yan tərəfləri açılır. Bu, qutunun enmə sürətini zəiflətməyə və onun içindəkilərin təhlükəsizliyini qorumağa imkan verir. Bundan başqa, qutunun tam parçalanan biomaterialdan ibarət olması ətraf mühit üçün ziyanı minimuma endirir.   Çatdırılması "SuperARTIS" dronu tərəfindən həyata keçirilən qutunun Dominikan Respublikasında keçirilən ilk sınaqları uğurlu olub: altı uçuşa 120 kq yemək çatdırılıb və içindəkilər zədələnməyib.