Son.az xəbər verir ki, ingilis dilində keçirilən bilik yarışmasında ölkəmizi ilk dəfə olaraq Bakı məktəblisi Nərgiz Quliyeva təmsil edib. Altıncı sinif şagirdi olan N.Quliyeva dünyanın 60-dan çox ölkəsindən gəlmiş 2100 şagirdin qatıldığı beynəlxalq bilik müsabiqəsinin yarımfinalında uğur qazanaraq final mərhələsinə yüksəlib.

Barselonada baş tutan yarımfinal mərhələsində şagirdlər 5 gün müddətində özlərini ədəbiyyat, həyat bilgisi, incəsənət, inşa və s. sahələrdə sınayıblar. Bununla belə, qrup və individual olaraq müxtəlif mövzularda debatlar edərək bir-birləri ilə mübarizə aparıblar.