Zaqatalada bir həftə əvvəl itkin düşən çobanın meyiti meşədən çıxarıldı
Digərləri 28 İyl 2018 14:16:00 294 0
Zaqatala rayonunda bir həftə əvvəl itkin düşən və iki gün öncə yüksək dağlıq ərazidə meyiti tapılan Qurban İbrahimovun meyitini ərazidən çıxarmaq mümkün olub.
Son.az report-a istinadən xəbər verir ki, mərhumun meyiti helikopterlə rayon mərkəzinə gətirilib və Məhkəmə-Tibbi Ekspertiza Şöbəsinə təhvil verilib.
Meyit müayinə olunduqdan sonra ailəsinə veriləcək.
Xatırladaq ki, 1982-ci il təvəllüdlü Qurban İbrahimovun meyiti iyulun 26-da Zaqatala rayonunun Car kəndi yaxınlığında dağlıq ərazidə aparılan axtarışlar zamanı FHN-nin Xüsusi Riskli Xilasetmə Xidmətinin müvafiq xilasetmə qrupları tərəfindən aşkarlanıb.
O, rayonda çobanlıqla məşğul imiş.
Mənbə: milli.az