Nümayişdən öncə qonaqlar təşkil etdiyi furşetdən zövq aldılar.  Filmin özünə gəldikdə isə, heç kimə sirr deyildi ki, film ilin ən çox gözlənilən filmlərindən biri idi və bu səbəbdən zal dolmuşdu.

Film bir çox izləyicilərin gözləntilərini doğrultdu. Yaşının 56 olmasına baxmayaraq, kaskadyor köməyi olmadan Tom Kruzun özünün yerinə yetirdiyi fəndlərlə dolu səhnələr neyə desəniz dəyər. "Qeyri-mümkün tapşırıq" filminin altıncı hissəsinin çəkilişləri zamanı aktyor dəfələrlə həyatını riskə atıb: şosseyə bağlanmış kanatdan tutaraq vertolyotda  uçub; yüksək sürətdə motosiklet sürüb, yüksəklikdən uçan təyyarədən təhlükəli tullanış edib. 

Bir çox izləyici Tom  Kruzu xüsusi agent İtan Hantın rolunu canlandırdığı "Qeyri-mümkün tapşırıq" filmindən tanıyır. Eyni adlı teleseriala əsaslanaraq çəkilmiş ilk filmin premyerası 1996-cı ildə baş tutmuşdu, son film isə "Qeyri-mümkün tapşırıq. Nəticə" 22 il sonra çəkilib. Tom Kruzla birgə filmdə Henri Kavill, Saymon Peqq, Rebekka Ferqüson, Alek Bolduin rol almışlar. Filmin rejissoru - Kristofer MakKourri.