G20: İqtisadiyyatın artımı qeyribərabər baş verir
Digərləri 23 İyl 2018 18:48:00 305 0
İnkişaf etməkdə olan ölkələrin (G20) maliyyə nazirləri və Mərkəzi banklarının sədrləri Argentinanın paytaxtı Buenos Ayresdə keçirilən görüşün yekununda qəbul etdikləri kommünikedə dünya iqtisadiyyatı üçün əsas riskləri qeyd ediblər.
Son.az report-a istinadən xəbər verir ki, kommünikedə işsizlik səviyyəsinin 10 ildir aşağı, qlobal iqtisadi artımın isə sabit olduğu göstərilib.
"Lakin dünyanın aparıcı iqtisadiyyatlarının artımı qeyri-bərabər baş verir və bu, orta və uzun müddətli perspektivdə risklər yaradır. Bunlara artan maliyyə zəifliyi, ticarətdə və geosiyasətdə gərginliyin artması, qlobal səviyyədə tarazlığın pozulması, o cümlədən iqtisadiyyatı inkişaf etmiş ölkələrdə qeyri-bərabərlik və zəif struktur artımı daxildir", - deyə sənəddə vurğulanıb.
Mənbə: milli.az