Çində daşqınlar: 100 mindən çox insan təxliyə edilib
Dünya 14 İyl 2018 21:41:00 253 0
Çinin Çuntsin şəhərinin 100 mindən çox sakini daşqınlar səbəbindən təxliyə edilib. Sinxua agentliyinin yaydığı məlumata görə, Yantszı və Tszyalintszyan çaylarında suyun səviyyəsi çox yüksək həddə çatıb. Bir neçə gündür davam edən leysanlar səbəbindən çaylarda suyun səviyyəsinin artması regionda 2012-ci ildən bəri ən güclü daşqına gətirib çıxarıb.
Son.az AZƏRTAC-a istinadən bildirir ki, hökumət orqanları suyun səviyyəsini aşağı salmaq və daşqından dəyən zərəri azaltmaq məqsədilə bənd işinin təcili rejimə keçməsi barədə göstəriş verib.
Çuntsinlə yanaşı, Sıçuan əyaləti, eləcə də şimal-qərb əyaləti Qansu güclü yağışlara məruz qalıb. Zərər çəkmiş bölgələrə xilasetmə işlərini yerindəcə əlaqələndirmək məqsədilə xüsusi qruplar göndərilib. Təbii fəlakət kənd təsərrüfatına böyük ziyan vurub.
Mənbə: milli.az