Son.az Daily Mail-ə istinadən bildirir ki, qadının heykəldən aşağı salınması əməliyyatına 16 polis əməkdaşı cəlb olunmuşdu.

"Əvvəlcə o, aqressiv idi. Lakin sonra deyilənləri eşitməyə başladı. Sonra isə onun dalınca heykələ dırmaşmaq məcburiyyətində qaldığımız üçün bizdən üzr istədi", - polis zabiti Brayan Qleken deyib.

Heykələ dırmaşmış qadın 44 yaşlı Tereza Patrisiya Okoumoudur. Onun əynində sinəsinə "Rise and Resist" ("Qiyam et və müqavimət göstər") yazılmış futbolka vardı.

Okoumou "Trump Care Makes Us Sick" və "Abolish ICE" şüarları ilə Nyu-Yorkda aksiya keçirən, miqrantların ailələrinin ABŞ sərhədində zorla ayrılmasına etiraz edən qrupun arasında idi.

Aksiyanı təşkil edən "Rise and Resist" qrupu olaydan xəbərsiz olduğunu bəyan edib.