Ermənistan MOK sədrinin mühafizə xidmətinin rəisi saxlanıldı
Dünya 03 İyl 2018 18:42:00 272 0
Ermənistan Milli Olimpiya Komitəsinin (MOK) sədri, Çiçəklənən Ermənistan Partiyasının sədri və Ermənistan Milli Yığıncağının deputatı Qagik Tsarukyanın mühafizə xidmətinin rəisi Eduard Babayan saxlanılıb.
Son.az report-a istinadən xəbər verir ki, bu barədə Ermənistan İstintaq Komitəsi rəhbərinin müşaviri Sona Truzyan açıqlama verib. O deyib ki, E.Babayan insident zamanı adı açıqlanmayan şəxsə ağır fiziki xəsarət yetirməkdə şübhəli bilinir. Hazırda mühafizə xidməti rəisinin evində axtarışın aparılması barədə vəsatət hazırlanır.
İyulun 2-də axşam saatlarında "Ermənistan" tibb mərkəzinə 1968-ci il təvəllüdlü kişi sınıq və zədələrlə müraciət edib. İlkin məlumatlara əsasən, o, "Olimpavan" idman kompleksində döyülüb. Hadisə yerindən qan izləri aşkarlanıb. Faktla əlaqədar cinayət işi qaldırılıb, ekspertlər təyin olunub.
Mənbə: milli.az