Ancaq əgər bunun üçün şərait yaradılmazsa və bəzi amillər aradan qaldırılmazsa, o zaman cavan dindən uzaq olacaq və ona əməl etməyəcəkdir.

Bu amilləri tanıyaq ki, onları aradan qaldırmağa səy göstərək.

1. Məlumatın olmaması. Cavanların dindən uzaq olmasının ən böyük səbəbi - din haqqında lazımlı məlumata malik olmamaqlarıdır. O cavan ki, dini tanımaz, başqa yanlış təbliğatların təsiri altına düşər. Ona görə də İmam Sadiq (ə) buyurur: "Cavanlarınıza təlim verin, başqa müraciət edənlər (yolunu azmış məzhəblərdən biri) onları yolundan azdırmazdan əvvəl".

2. Məsuliyyətdən qaçmaq. Cavanları dindən uzaqlaşdıran amillərdən biri də məsuliyyət altına girməkdən qorxmaqdır. "(Onun inkar etməyi yalnız Qiyamət barəsində şəkk etdiyinə görə deyildir) əslində insan istəyir ki, (ömrü) irəlilədikcə günah etsin". ("Qiyamət" 5).

3. Suallarına düzgün cavab verilməməsi. Cavanların adətən dinlə bağlı sualları yaranır ki, bu da təbiidir. İnsan bir elmi öyrənmək istəyən zaman onun incəliklərinə qarşı sualları yaranır və bu suallara verilən cavablar sayəsində həmin elmə yiyələnər. Ona görə də Məsumlarımız (ə) da öz davamçılarını sual verməyə təvşiq edərdilər. O zaman ki, cavanın dini sualına düzgün cavab verilməz, o zaman cavan dindən uzaqlaşar.

4. Yanlış rəftar. Cavanlardan biri nəql edir: "Yeniyetmə olan zaman namazlarımı məsciddə qılmağa həvəsim vardı. Bir gün namaz qılırdım və gördüm ki, bir qoca mənim namaz qılmağıma diqqət edir. O zaman ki, namazı bitirdim, həmin qoca mənə yaxınlaşıb dedi ki, qıldığın namaz batildir. Sonra məni danlamağa başladı və heç fürsət tapa bilmədim ki, soruşum namazımın hansı hissəsi batildir. O, mənə dedi: "Sizin kimi cavanlar gərək məscidə gəlməsin. Çünki namaz qılmağın yolunu bilmirlər". O gündən bəri məscidə getmədim".