Ceyhun Bayramov məzunları təbrik etdi: Məktəbdə öyrəndiyiniz biliklər sizə zəruri dəstək verəcək


Digərləri 14 İyn 2018 10:12:45 268 0

Ceyhun Bayramov məzunları təbrik etdi: Məktəbdə öyrəndiyiniz biliklər sizə zəruri dəstək verəcək

Azərbaycan təhsil naziri Ceyhun Bayramov məzunları orta məktəbi başa vurmaları münasibətilə təbrik edib.

Bakı. İlhamə İsabalayeva - Azərbaycan təhsil naziri Ceyhun Bayramov məzunları orta məktəbi başa vurmaları münasibətilə təbrik edib. Trend-in məlumatına görə, C.Bayramov məzunları ünvanladığı müraciətində bildirib: "Əziz məzunlar! Sizi, müəllim və valideynlərinizi bu unudulmaz gün münasibəti ilə ölkəmizin bütün təhsil işçiləri və şəxsən öz adımdan təbrik edir, ən xoş arzularımı bildirirəm! Siz bu gündən həyatınızın tamamilə yeni dövrünə qədəm qoyursunuz. Ciddi qərarlar qəbul etmək, peşə seçimini dəqiqləşdirmək astanasındasınız. Seçəcəyiniz yol həyatınızın böyük hissəsini müəyyən edəcək. Məktəbdə öyrəndiyiniz bilik və bacarıqlar, fəal vətəndaş mövqeyi və dəyərlər bu yolda sizə zəruri dəstək verəcək.