Daxili Xəstəliklər üzrə mütəxəssis, kardioloq və professor Canan Karatay Ramazan bayramı ilə bağlı xəbərdarlıqlar edib.

Son.az xəbər verir ki, kardioloq bayram günlərində şirniyyatlardan uzaq durmağı tövsiyə edib. C.Karatayın sözlərinə görə, bütün qənnadı məhsullarının tərkibi qlükoza və fruktoza ilə zəngin olduğu üçün menyudan çıxartmaq və ya çox az yemək lazımdır:

"Qarğıdalı siropu (qlükoza və fruktoza qarışığı) ağ şəkərdən 10 qat daha zərərlidir. Hüceyrələri pozur və qaraciyərə zərər verir. Qarğıdalı siropu şəkərdən daha çox təhlükəli maddədir".

Karatay bayramda konfet və hazır şirniyyat məhsullarını fındıq, fıstıq kimi çərəzlərlə əvəz etməyi məsləhət görüb. Şəkərin ən böyük zəhər olduğunu bildirən Karatay uşaqlara quru əncir, quru ərik və kişmiş kimi faydalı meyvə quruları verməyi tövsiyə edib.