Bakı. İordaniyada müqəddəs Ramazan ayı etiraz aksiyaları ilə müşayiət olunub. Trend-in məlumatına görə, paytaxt Ammanda və digər şəhərlərdə sakinlər hökumətin vergiləri artırmaq təklifinə etiraz edir. Qeyd olunur ki, təklifə əsasən hüquqi şəxslər üçün gəlir vergisi 40 faiz, fiziki şəxslər üçün 5 faiz artırılacaq. Bundan başqa, ölkədə çörək və ərzaq qiymətləri iki dəfəyədək, elektrik enerjisi 55 faizədək bahalaşıb.