İki avtomobil toqquşub, xəsarət alan var
Digərləri 04 İyn 2018 08:24:00 237 0
Lənkəranda iki minik avtomobili toqquşub, bir nəfər xəsarət alıb. Son.az APA-ya istinadən bildirir ki, hadisə rayonun Cil kəndində qeydə alınıb.
Qəza zamanı Masallı rayon sakini, 1993-cü il təvəllüdlü Nahid Nadirovun idarə etdiyi "Mercedes" markalı avtomobil ilə Lənkəran rayonunun Cil kənd sakini, 1994-cü il təvəllüdlü Nehmət Sultan oğlu Nurullayevin idarə etdiyi "VAZ 2107" markalı avtomobil toqquşub.
Nəticədə "VAZ 2107"-in sərnişini, Lənkəran rayonunun Cil kənd sakini, 1994-cü il təvəllüdlü Orxan Əhəd oğlu Babazadə müxtəlif dərəcəli xəsarət alıb.
Yaralı Lənkəran Rayon Mərkəzi Xəstəxanasına çatdırılıb. O. Babazadəyə xəstəxanada tibbi yardım göstərilib.
Məlumata görə, qəza "Mercedes"in yüksək sürətlə idarə olunması səbəbindən baş verib.
Faktla bağlı araşdırma aparılır.
Mənbə: milli.az