İnsan orqanlarının ticarəti

Son.az banker.az-a istinadən bildirir ki, bunun qorxunc və Hollivudsayağı səslənməsinə baxmayaraq, belə məhsulun qara bazarda öz yeri var. Hamıya məlumdur ki, insanın normal yaşaması üçün yalnız bir böyrəyə ehtiyacı var. Kasıblar məhz bundan istifadə edirlər və məlum olub ki, onların içində fillipinli, hindli və pakistanlılar üstünlük təşkil edir. Məhz bu ölkələrin sakinləri öz böyrəklərini sizə cəmi 5000 ABŞ dollarına satmağa razıdırlar. Çoxdur? Bəs tibb müəssisələrində transplantasiya üçün bu orqanın qiymətinin 200 000 ABŞ dolları olduğunu bilsəniz, nə deyirsəniz?! Bundan əlavə, Çində yalnız böyrəklə məhdudlaşmırlar. Lakin orqan sahibləri heç vaxt sağ qalmırlar, çünki onlar ölüm hökmünə məhkum edilmiş insanlardır. Hər il Çində təxminən 4500 məhkum edam edilir və ekspertlər iddia edir ki, bu edamlar məhz orqanların toplanması məqsədi ilə həyata keçirilir.

İnsan sperması

Müvəffəqiyyətli konsepsiya üçün Süni mayalandırma tibbi mərkəzləri sizə diqqətlə seçilmiş və sağlam sperma təklif edəcəklər. O ucuz deyil, lakin sağlam və genetik cəhətdən düzgün formalaşmış uşağın dünyaya gəlməsini tamamilə rahat şəkildə gözləyə bilərsiniz. Bundan əlavə, sperma sahibinin faylına baxdıqda, gələcək uşağınızın hansı cizgilər və quruluşa malik olacağını proqnozlaşdıra bilərsiniz. Bütün bunlar qanunidir. Amma şarlatanlar yerlərində oturmurlar və spermalarını İnternet vasitəsilə satırlar. O kifayət qədər ucuzdur, lakin təbii ki, riski yüksəkdir. Onlar bunu necə edir? Hər şey çox sadədir - tanışlıq saytı və ya sosial şəbəkələr maskası altında belə sperma bazarları gizlənir. Məsələn, bir neçə britaniyalı kişi 800 qadına spermalarını sataraq bir neçə il ərzində 250 min funtdan çox pul qazanıblar.