Siyavuş Novruzov: Elələri var ki, haqqı çatır, amma əlillik dərəcəsi ala bilmir
Digərləri 31 May 2018 14:06:00 226 0
İllərdir ki, əlilliyin müəyyən edilməsi ilə bağlı atılan addımlar parlamentdə müzakirə olunub. Hesab edirəm ki, hazırda buna yeni prizmadan baxmalıyıq.
Bakı. Elçin Mehdiyev -
“İllərdir ki, əlilliyin müəyyən edilməsi ilə bağlı atılan addımlar parlamentdə müzakirə olunub. Hesab edirəm ki, hazırda buna yeni prizmadan baxmalıyıq. Əlillik dərəcəsinin verilməsi ədalət prinsiplərinə əsaslanmalıdır”.
Trend-in məlumatına görə, bunu Milli Məclisin deputatı Siyavuş Novruzov parlamentdə çıxışı zamanı deyib.
Onun sözlərinə görə, elə şəxslər var ki, onların haqqı çatmasa da, əlillik dərəcəsi ala bilir: “Elələri də var ki, haqqı çatır, amma ala bilmir. Azərbaycanda əlillərin sayı dünya ölkələri ilə müqayisədə yüksəkdir. Ayrı-ayrı strukturlar tərəfindən əlillik dərəcələri düzgün şəkildə verilməyib. Əgər bu say düzgün olarsa, o zaman onların pensiya və məvaciblərinin artırılması məsələsi də gündəmə gələ bilər”.
Mənbə: az.trend.az